Банк ісі

Курстың мақсаты:

«Банк ісі» пәнін оқытудың мақсаты – студенттерді банктік қызмет көрсету саласындағы банктік өнеркәсіп жайлы мүмкіндігінше толық, жүйелі түрдегі ақпаратпен таныстыру, яғни банк ісін ұйымдастырудың ғылыми және практикалық негізін оқытып үйрету. Бұл пәнде коммерциалық банктің қызметінің экономикалық негіздері, оның операциялары, қазіргі кездегі банктік қызмет көрсетудің әдіс-тәсілдері көрсетіледі.

Курстың қысқаша сипаттамасы

Қазақстан Республикасының банктік жүйесінің халықаралық банк ісінің қызмет ету қағидаларына өту жағдайларында негізгі мәселелердің бірі әлемдік банктік технологиялардың ҚР экономикасының өтпелі кезең ерекшеліктерімен үйлесуі.

Осы жағдайларда білімді, білікті, инициативті, өзгермелі жағдайларға тез бейімделетін жаңа банк қызметкерлерін дайындау маңызды. Банктердің әртүрлі меншік формаларындағы шаруа жүргізуші субъектілерімен қарым-қатынастарын ұйымдастыру көбіне несиелеу объектісі, әдісі, несиелер түрлері, қарыз алушының несие қабілеттілігі, несие берушінің тәуекел дәрежесі, есептік-кассалық қызмет көрсетуге байланысты.

«Банк ісі» пәнінің зерттеу объектілері банктердің пассивті, активті, комиссиондық-делдалдық және басқа да операциялары. Банк ресурстарының депозиттік және депозиттік емес көздерден қорлану механизмі, тартылған ресурстарды бөлу тәсілдері. Қазақстан Республикасында екінші деңгейдегі банктер қызметтерін басқару және реттеу ерекшеліктері толық зерттеледі.

Автор туралы

Оразалиев Бабахан

Алматы халық шаруашылығы институтын «Бухгалтерлік есеп және шаруашылық қызметті талдау» мамандығы бойынша бітірген

1994 жылы ауылшаруашылығы ғылым кандидаты ғылыми атағын алған.

1997 жылдың қыркүйек айынан бастап Алматы технологиялық және бизнес университетінде (АТУ) аға оқытушы, доцент м.а., кафедра меңгерушісі дәрежесінде жұмыс істеді.

Қазақстан ұлттық жаратылыстану ғылымдары акедемиясының корреспондент-мүшесі

Білім алушылардың өзіндік дамуын қамтамасыз ететін жаңа интерактивті технологияны және білімді бақылауда, оқулық үдерістер мен сабақтарды жүргізуде активті формалар мен ұйымдастыру тәсілдерін енгізді. «Методы и принципы проведения налогового контроля» атты оқу құралын шығарды ( э.ғ.д. Калдыбаев Е.К. бірге, 4,5 б.п., Алматы, «Әрекет - Принт», 2010).

Студенттердің дипломдық жұмыстарына және магистранттардың магистерлік диссертациясына жетекшілік жасайды.

Электрондық почтасы. (babai-matay @ mail.ru сот. 87773786434)